Tanasha Donna yahishuye ko yicuza kuba yarabyaranye a Diamond Platnumz

Yves Iyaremye. 2020-04-26 15:07:16

Tanasha Donna Oktech wahoze akundana na Diamond Platnumz yahishuye ko ubu yicuza kuba yarabyaranye n’uyu muhanzi cyane ko atari yiteguye kuba yaba mubyeyi vuba. Nyuma yo kubyarana na Diamond Platnumz umwana w’umuhungu mu Kwakira 2019, muri Werurwe 2020 nibwo hamenyekanye inkuru y’uko aba bombi batandukaniye.

Tanasha Donna aganira n'igitangazamakuru cya Grobal Publishers yavuze ko yicuza kuba yarabyaranye na Diamond, ngo yakabaye yarafashe umwanya wo kumwigaho.

Yagize ati"nakabaye naritonze sinkunde Diamond cyane, nakabaye narabanje kumenya imico ye. Nisanze namaze gutwita, ukuri sinari niteguye kuba naba umubyeyi."

Tanasha yakomeje avuga ko ikintu cya mbere cyahise kimuza mu mutwe ari ugukuramo iyo nda yari atwite.

"Natekereje ko kurangiza ikibazo ari ugukuramo inda, ariko ndashima Imana ko ntabikoze."

Tanasha Dona nyuma yo gutandukana na Diamond ni kenshi yagiye avuga ko atifuzaga gutandukana na we cyane ko atashakaga ko umwana we yakura adafite se, ariko nyuma yo kubona ko Diamond we ntacyo yitayeho yahisemo kumusiga nyuma y’imyaka igera muri 2 bakundana cyane ko Diamond mbere yo gukundana na Tanasha yari amaze gutandukana na Zari bafutanye abana babiri.

Yanditswe na Vainqueur Mahoro