Abepiskopi Gatolika b’u Rwanda n’u Burundi basabye ifungurwa ry’Imipaka hagamijwe ubuvandimwe

Abepiskopi Gatolika bo mu Rwanda no mu Burundi, bibumbiye mu Ihuriro ACOREB, batangaje ko bababajwe n’ifungwa ry’imipaka yo ku butaka ihuza ibihugu byombi, basaba ko hafatwa ingamba zo kuyifungura kugira ngo abaturage bongere gusabana no guhahirana.

Ibi byatangajwe mu nama isanzwe y’iri huriro, yabereye i Kibungo kuva tariki 30 Werurwe kugeza tariki 1 Mata 2025. Mu itangazo basohoye, Abepiskopi bavuze bati: “Tubabajwe no kuba kugera ubu imipaka ihuza u Rwanda n’u Burundi ifunze. Twishimiye ko hari ibyatangiye gukorwa kugira ngo umubano wongere kuba mwiza.’’