Uganda:Abakozi bose ba Leta bategetswe gukora imyitozo ngororangingo
Leta ya Uganda yategetse abakozi ba leta bose kujya bamara amasaha abiri buri cyumweru bakora imyitozo ngororangingo kugira ngo bakomeze kugira amagara meza.
Ayo mabwiriza yanyujijwe mu ibaruwa igenewe ibigo byose bya leta yanditswe na Lucy Nakyobe, umukuru w'abakozi ba leta, wavuze ko iyo myitozo "izafasha mu kurokora ubuzima bw'abakozi ndetse igabanye [yoroshye] umutwaro uturutse ku ndwara".
Leta ya Uganda na yo yatangaje ku rubuga nkoranyambaga X ko iyi gahunda "izagabanya umutwaro ukomeje kwiyongera uterwa n'indwara zishingiye ku buryo bwo kubaho" muri icyo gihugu.
Ibi bibaye nyuma y'imyaka ibiri ubushakashatsi bwo ku rwego rw'igihugu ku buzima bugaragaje ko umubyibuho ukabije mu gihugu wazamutse ukava kuri 17% ukagera kuri 26% mu myaka 17 yari ishize.
Ubu si ubwa mbere leta ya Uganda ishyizeho gahunda yo gushishikariza gukora imyitozo ngororangingo.
Mu 2018, Uganda yashyizeho umunsi w'igihugu wo gukora imyitozo ngororangingo wizihizwa buri ku cyumweru cya kabiri cya Nyakanga aho ibikorwa bya siporo bikorerwa mu gihugu hose.
Dr Charles Oyoo Akiya, komiseri muri minisiteri y'ubuzima ya Uganda ushinzwe ibikorwa byo kwirinda indwara zitandura, yabwiye ibitangazamakuru byo muri icyo gihugu ko iyo minisiteri yo yari isanzwe ikoresha imyitozo ngororangingo ku bakozi bayo, kandi ko iyi minisiteri yifuza ko iyo gahunda ikurikizwa mu bigo byose bya leta.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show