M23 yakuye Intumwa i Doha, Sudan mu marira n’amaraso, abo DRC yihanangirije (Avugwa mu karere)

Mu gihe intambara zikomeje gukaza umurego mu karere k’Ibiyaga Bigari, ibintu bitangaje birimo kuba: umutwe wa M23 wahamagaje intumwa zawo mu mishyikirano i Doha, Leta ya DRC ishyira igitutu ku basirikare bayo ibategeka kutarongora imyaka irindwi, ndetse na Sudan ikomeje kunyagwa n’amaraso y’inzirakarengane – aho abantu 14 biciwe mu nkambi y’impunzi.

M23 isubitse uruhare mu mishyikirano: Umutwe wa M23 wahamagaje intumwa zawo zari zoherejwe mu biganiro byari bigamije kugarura amahoro i Doha muri Qatar, bavuga ko nta shingiro rigaragara ry’iyo mishyikirano mu gihe ibitero bya FARDC na FDLR bikomeje.

DRC yihanangirije abasirikare b’ingabo z’igihugu: Mu itangazo ryasohowe ku mugaragaro, abasirikare ba DRC bategetswe kutarongora cyangwa gushaka abagore mu gihe cy’imyaka irindwi, bivugwa ko biri mu rwego rwo kwitangira igihugu "nta nkomyi y’urugo."

Sudan mu marira n’amaraso: Mu gitero cyagabwe n’abarwanyi bataramenyekana, abantu 14 biciwe mu nkambi y’impunzi mu mujyi wa El Fasher, mu majyaruguru ya Darfur. Ibi byongeye gushimangira akaga gakomeje kuvanwamo inzirakarengane mu ntambara ishingiye ku moko n’imitwe ya politiki.

Nsengimana Donatien |Ijambo.net