Kera kabaye Dj Brianne yemeye kubatizwa 

Kuri iki cyumweru tariki ya 09 Kamena 2024, Gateka Esther wamenyekanye cyane nka Dj Brianne yemeye kwakira agakiza arabatizwa.

Ni umubatizo wabereye ku rusengero rwa Elayo Pentecost Blessing mu muhango wo kubatiza abakirisitu bashya barimo na Dj Brianne.

Akimara kubatizwa Dj Brianne yavuze ko yuzuye umunezero kandi ko yishimye cyane kuko nawe agiye gutangira kujya afata igaburo ryera.

Brianne yanavuze ko kubatizwa kwe byashimishije cyane umubyeyi we kuko nta cyizere yari amufitiye ko nawe ashobora kubatizwa.

Umubyeyi wa Dj Brianne yashimye Imana cyane ko umukobwa we nawe yabonye aho kubarizwa mu bijyanye no gusenga.