RDF yagiranye ibiganiro n'Abajyanama bayo mu bya gisirikare bo mu bihugu 24 

Ingabo z'u Rwanda RDF zatangajeko zagiranye ibiganiro n'Abajyanama mu bya Gisirikare muri Ambasade z'ibihugu 30  baganirizwa kubyerekeye umushinga w'itigeko rishya rigenga ingabo z'u Rwanda,umutekano w'imbere mu gihugu n'Akarere ndetse n'ibikorwa bya RDF.

Mu itangazo ryasohowe na RDF rivugako abo ba 'Defence Attaches' n'intumwa barikumwe bakiriwe ku cyicaro gikuru cya Minisiteri y'ingabo na RDF ku Kimihurura.

Iryo tangazo rivugako abitabiriye iyo nama bahagarariye ibihugu 24 aribyo Algeria,u Bubiligi,Repubulika ya Ceki,Denmark,u Budag,u Buyapani,Jordan,Kenya,Namibia,u Buholandi,Polgne,Korea,u Burusiya,Suwede,Turkiye,Uganda,u Bwongereza,Amerika,Zambia na Zimbabwe.

Muri ibyo biganiro hagaragaye abahagarariye Komisiyo y'ubumwe bw'ibihugu by'Uburayi,ICRC n'intumwa z'umutwe w'ingabo zihora ziteguye gitabara mu Karere k'Afurika y'Uburasirazuba(EASF).

Aba bakiriwe n'umuyobozi mukuru ushinzwe ubufatanye mpuzamahanga bwa gisirikare muri Minisiteri y'ingabo Brig Gen Patrick Karuretwa.

Mu ijambo ritangiza iyi  nama Brig Gen Patrick  yashimiye aba bajyanama bihariye mu bya Gisirikare ko uruhare rwabo rwiyongera,ashimangira ko ari ngombwa gukora ibiganiro by'umutekano hagamijwe ku rushaho kunoza ubufatanye bw'ingabo no kumvikana. abitabiriye iyo nama baboneyeho n'umwanya wo kubaza ibibazo ku ngingo zitandukanye baganiriyeho.