Ambasaderi w'u Rwanda muri Mozambique yagiranye ibihe byiza n'ingabo ziri muri icyo gihugu

Ku wa gatatu tariki ya 27 Werurwe 2024 Ambasaderi w'u Rwanda muri Mozambique HE Donath Ndamage mu ruzinduko rw'umunsi umwe  yasuye ikicaro cyingabo z'u Rwanda n'abapolisi mu Karere ka Mocimboa da Praia.

Urwo ruzinduko rwari rugamije  gusabana n'abasirikare  ndetse n'abapolisi no kubona amakuru afatika ku bijyanye n'ibibazo by'umuktekano mu Ntara ya Caobo Delgado.

Muri urwo ruzinduko HE Donath Ndamage  yakiriwe na Komanda w'ingabo z'u Rwanda zoherejwe mu butumwa bwo kugarura amahoro muri Mozambique Maj Gen Alex Kagame amusobanurira uburyo umutekano uhagaze muri iyo Ntara ya Cabo Delgado.

HE Donath Ndamage  yashimiye ingabo z'u Rwanda kubwo ibyagezweho kuva zoherezwa muri Mozambique kandi abasezeranya ubuvugizi mubya dipolomasi kugirango ingabo z'u Rwanda zibashe gushira mu bikorwa ishingano bafite yo kugarura amahoro muri icyo gihugu.