U Rwanda nirwo ruza imbere mu kungukira mu mishinga y'ikigega mpuzahanga cy'imari (IMF)

Perezida w'u Rwanda Paul Kagame yahuye n'umuyobozi w'ikigega mpuzamahanga cy'imari (IMF) Kristalina Georgieva maze baganira ku mikoranire y'iki kigega mpuzamahanga n'igihugu cy'u Rwanda.

Ibiro by'umukuru w'igihugu Village Urugwiro byatangajeko u Rwanda ari igihugu cya mbere muri Afurika cyabashije kungukira muri gahunga yashizweho n'iki kigega ijyanye no guhangana n'imihindagurikire y'ibihe  hagamijwe iterambere rirambye.

Mu mwaka  wa 2022 nibwo IMF yashizeho ikigega gishya cyiswe Resilience and Substainability Trust (RST) gifasha ibihugu  kubona ubushobozi bwo guhangana n'ibibazo bituruka hanze y'igihugu birimo n'imihindagurikire y'ibihe hagamijwe iterambere rirambye.

Icyo kigega cyatangiye gikorera mu bihugu  bitatu birimo Costa Rica,Barbados n'u Rwanda aho igihugu kizahabwa Miliyoni $319 zigamije gushyigikira imishinga igamije guhangana n'imihindagurikire y'ibihe.

U Rwanda rusanzwe rukorana byinshi na (IMF) akaba ari nabyo byagarutsweho cyane mu kiganiro cyahuje abayobozi ku mpande zombi.

Perezida Paul Kagame ari muri Arabie Saoudite aho yitabiriye inama ya World Economic Forum yiga ku bufatanye n'iterambere ry'ingufu.

Biteganijwe ko kuri iki cyumweru Perezida Paul Kagame yitabira ikiganiro kigaruka ku cyerekezo gishya mu iterambere ry'isi cyivuga ku buryo bwo kongera imbaraga mu bufatanye bugamije iterambere.