Abantu 92 basaba ubuhungiro bagejejwe mu Rwanda

Minisiteri  y'ibikorwa by'ubutabazi ibinyujije ku rubuga rwayo rwa X yanditseko ku bufatanye n'ishami ry'umuryango w'abibumbye ryita ku mpunzi, UNHCR ,Leta y'u Rwanda yakiriye abimukira 92 baturutse muri Libya.

Ku mugoroba wo kuwa 27 Werurwe nibwo hasohotse itangazo rivugako abakiriwe 92 muribo hari 52 baturuka muri Eritrea naho abandi 35 bafite inkomoko muri Sudan.

U Rwanda mu 2019 rwagiranye amasezerano  n'ishami ry'umuryango w'abibumbye ryita ku mpunzi UNHCR na Afurika yunze Ubumwe ajyanye no kujya rwakira abasaba ubuhungiro baturutse muri Libya nyuma yuko bamwe bagiye bagurishwa abandi bakicwa n'amazi bagerageza kujya ku mugabane w'Uburayi.