Nyuma y’imyaka 62 yaraburiwe irengero yasanzwe ari muzima

Nyuma y’imyaka 62 aburiwe irengero, Audrey Backeberg, umugore wo muri Leta ya Wisconsin, yabonetse ari muzima, akaba aherereye hanze y’iyo Leta. Yari afite imyaka 20 ubwo yaherukaga kugaragara ku wa 7 Nyakanga 1962, ubwo yavaga iwabo i Reedsburg ajyanye n’umukobwa wabafashaga mu rugo, berekeza i Madison mbere yo gufata bisi ya Greyhound bajya i Indianapolis.

Uyu mukobwa bari kumwe yavuze ko Backeberg yamusize aho bisi yabasize, hanyuma ntiyongera kumuca iryera.

Byaje guhinduka uyu mwaka ubwo umupolisi Isaac Hanson, abifashijwemo na konti ya mushiki wa Backeberg kuri ancestry.com, yashoboye kumenya aho uwo mugore ashobora kuba aba. Polisi yaho yahise ijya aho bavugwaga, bamusanga ari muzima kandi ameze neza.

Hanson yavuze ko impamvu Backeberg yahisemo guhunga bishobora kuba byaratewe n’uko yari mu mubano mubi w’akarengane. Yavuze ati: “Yumvikanaga yishimye, nta kwicuza kugaragaraho.”

Polisi yashimiye ubufatanye bw’abagenzacyaha b’iki gihe n’ababayeho mu bihe byashize, bavuga ko kongera kubona Backeberg ari intambwe ikomeye mu kugarura ukuri ku byari byarabayemo urujijo mu myaka 62 ishize.