Rdc:Nta mipaka ya Congo izakorwaho /ambasaderi w'ububiligi i kinshasa

Roxane de Bilderling, ambasaderi w'Ububiligi i Kinshasa, yavuze ko  nta gisubizo cya gisirikare kizarangiza  intambara yo m'uburasirazuba bwa Congo akemeza ko  igisubizo kirambye aruko hagomba kubaho ibiganiro.

Yagize ati"Ndashaka guhumuriza minisitiri, nta kibazo rwose cyo gukora ku mipaka ya DRC. Iyo duhamagariye kuganira no kunga, ni ukubera ko nta gisubizo cya gisirikare kizakemura aya makimbirane. 

Yakomeje agira ati"Tugomba kwicara hamwe tugashaka  uburyo bwo gukemura ibibazo.

Uyu ambasaderi yabitangarije  i Goma mu kiganiro n'abanyamakuru.

Uyu ambasaderi atangaje ibi nyuma yuko ubutegetsi bwa kinshasa buri gukora iyo bwabaga mugutumiza indege zo kurushaho kongera imbaraga z'igisirikare cya congo mu guhangana n'umutwe wa M23.

Ububiligi ni igihugu k'ishuti y'akadasohoka ya RDC bikomoka kukuba iki gihugu aricyo cyakoroneje Congo.

Abahanga muri dipolomasi na politike batangaza ko inzira rukumbi yo gucyemura mu buryo burambye ikibazo cy'amakimbirane yo m'uburasirazuba bwa Congo Kinshasa ari ibiganiro kurenza gukoresha intwaro.

Habumugisha vincent.