Namibia: Uko intare yishe mukerarugendo agiye ku bwiherero

Umugabo witwa Bernd Kebbel, w'imyaka 59 y'amavuko wari mu biruhuko mu nkambi y’ubukerarugendo muri Namibia, yishwe n’intare.

Uyu mugabo wishwe n’intare, yari asanzwe ari umucuruzi ariko akunda ibijyanye n’ibidukikije.

Bernd, yari aryamye mu ihema rya ba mukerarugendo ahantu hitaruye, intare iza kuhamusanga iramwivugana. Yamufashe ubwo yari asohotse mu gitondo agiye ku bwiherero.

Abandi bari bacumbitse aho babashije guhunga mu gihe uwo mugabo yari amaze gupfa.

Mu 2023, muri ako gace hari habaruwe intare nkuru zigera kuri 60.