Ifoto y'umwana wagiye ku ishuri yambaye impuzankano ya Polisi ubuyobozi bwayivuzeho

Ku wa Kane  tariki ya 02 Gicurasi 2024 ku mbuga nkoranyambaga hatangiye gucicikana ifoto y'umwana wagiye ku ishuri yambaye impuzankano y'ishati ya Polisi,iyo foto ikaba yaratangaje benshi kandi abantu bayibonye bakavugako iyo mpuzankano ari iy'ukuri.

Uwo mwana wo mu Karere ka Muhanga wiga mu mwaka wa Gatatu w'amashuri abanza  kuri EP Gatenzi yavuzeko umubyeyi we ngo yajyaga  ayifashisha nijoro akagenda batazi aho agiye.

Umuvugizi wa Polisi mu Ntara y'Amajyepfo SP Emmnuel Habiyaremye yabwiye IGIHE dukesha iyi nkuru ko umwenda wa Polisi uriya mwana  yaragaragaye ku ishuri yambaye utagikoreshwa ariko kandi bitabujije Polisi gutangira iperereza kugirango hamenyekane uko wamugeze mu maboko.

Ati" Ni umwana wiga mu mwaka wa Gatatu kuri EP Gatenzi waje ku ishuri yambaye impuzankano y'ishati ya Polisi ariko itagikoreshwa ubungubu. Ubuyobozi bw'ishuri bwatumenyesheje, tukaba twatangiye iperereza ngo tumenye uko yayibonye.

Ifoto y'uwo mwana yifubitse impuzankano ya Polisi benshi ku mbuga nkoranyambaga bakomeje kiyivugaho byinshi bibaza uburyo uwo mwana yayibonye akaba ariyo mpamvu bamwe basabako ababyeyi babo bana  bakorwaho iperereza.