Abasirikare ba DRC bagiye kujya bahabwa imyitozo n'u Bufaransa

Uruzinduko rw'akazi rw'iminsi itatu rwa Perezida wa Repubulika Iharanira Demukarasi ya Congo mu Bufaransa rwasojwe ibihugu byombi bagiranye amasezerano mu nzego zitandukanye ariko harimo n'amasezerano ajyanyanye n'ibya gisirikare azatuma u Bufaransa butanga imyitozo ku basirikare ba DRC.

Mu biganiro abakuru b'ibihugu byombi bagiranye mu muhezo harimo ubufatanye mu by'umutekano,umuco,uburezi n'ibidukukije.

Ibi biganiro byabaye nyuma yuko Emmnuel Macron n'umugore We Brigitte Macron bari bamaze kwakira neza Tshisekedi n'umugore We  Denise Nyankeru.

Emmnuel Macron yavuzeko igihugu cye hari imishinga cyigomba gukorana na Repubulika Iharanira Demukarasi ya Congo harimo guteza imbere ibikorwa remezo harimo urugomero rw'amashanyarazi rwa Inga, guteza imbere ibidukukije n'ibindi.

Si ibyo gusa kuko u Bufaransa bwemereye RDC kuzakomeza gukorana bya hafi mu gutoza abasirikare ba DRC barwanira mu mashyamba aho baba bahanganye n'imitwe itandukanye yitwaje intwaro ariko cyane umutwe wa M23 urwanira muri Kivu ya Ruguru.