Umuhoza Victoire yajeje u Rwanda mu rukiko rwa EAC

Ingabire Umuhoza Victoire Umunyapolitke wanashatse kwiyamamariza kuba Perezida w'u Rwanda yajyanye Leta y'u Rwanda mu rukiko rw'Umuryango wa Afurika y'Uburasirazuba avugako u Rwanda rwanze kumusubiza uburenganzira bwe.

Muri Werurwe uyu mwaka Urukiko Rukuru rwa Kigali rwanzuye kutakira ikirego cye cy'Ihanagurabusembwa, ibyari gutuma yemererwa kwiyamamariza umwanya w'umukuru w'igihugu mu matora ateganyijwe muri Nyakanga uyu mwaka.

Icyo gihe urwo rukiko rwavuzeko igihe yatangiye ikirego kinyuranije n'ibiteganwa n'amategeko nkuko VOA ibitangaza.

Victoire yari yasabye ko yahabwa ihanagurabusembwa muri Gashyantare nyuma yuko yari amaze imyaka itanu ahawe imbabazi n'umukuru w'igihugu.

Ishyaka DALFA ryashinzwe na Ingabire Umuhoza Victoire ntabwo ryemerwa n'ubutegetsi bw'u Rwanda,ubwo yarishingaga yatangajeko igihugu cy'u Rwanda cyitagendera ku mategeko.