Tshisekedi yongeye kugaragara mu ruhame gusa afite intege nke 

Nyuma y'icyumweru kirenga Perezida Felix Tshisekedi asa naho yaburiwe irengero kuberako atari akigaragara mu ruhame yongeye kugaragara muri imwe muri Kiriziya yo mu mu murwa mukuru Kinshasa ari kumwe nabandi bakristo.

Ku wa mbere tariki ya 15 Mata nibwo Tshisekedi yagaragaye muri Kiliziya ya Notre Dame de Fatima i Kinshasa ahari habereye misa yo gusabira Musenyeri Gerald Mulimba umaze imyaka ine apfuye.

Musenyeri Gerald Mulimba  yahoze ari umuyobozi w'ibiro bya Perezida ndetse akaba ari Se wabo wa Perezida Felix Tshisekedi akaba yarapfuye  tariki ya 15 Mutarama azize icyorezo cya Covide 19.

Nubwo Perezida Felix Tshisekedi yagiye kwifatanya n'abandi bakiristu muri iyo misa gusa amafoto yagiye ashirwa hanze yagaragazagako asa n'umuntu ufite  intege nke.

Amakuru yagiye ashirwa hanze n'ibinyamakuru bitandukanye yagiye agaragazako Tshisekedi ashobora kuba yari arwariye muri bimwe mu bitaro by'i Bruxelles mu Bubiligi gusa nti hatangajwe indwara yaba yaratumye ajya kwuvurwa mu buryo bw'ibanga.