Itsinda ry’abapolisi ryari riri mu butumwa bw’amahoro muri Sudani y’Epfo ryasimbuwe.

Ku ya  11 Gicurasi, Polisi y’u Rwanda yasimbuje itsinda ry’abapolisi RWAFPU-I ryari riri mu  butumwa bw’Umuryango w’Abibumbye bwo kubungabunga amahoro muri Sudani y’Epfo, UNMISS.

Iri tsinda rya sesekaye i Kigali mu gitondo cyo kuri uyu wa Kane riyobowe na SSP Mudathir Twebaze risimbuye iryari rishoje inshingano zaryo .

CP Bruce Munyambo yahaye ikaze iri tsinda ndetse anarishimira akazi katoroshye ko kurinda abaturage ryakoze .

Itsinda ry’abapolisi RWAFPU rifite inshingano zo kurinda abaturage b’abasivili bo mu nkambi, kurinda ibikorwaremezo, guherekeza abakozi n’ibikoresho by’Umuryango w’Abibumbye n’izindi nshingano zitandukanye.

SSP Ernest Mugema waje ayoboye itsinda RWAFPU I-7, yagaragaje ko mu gihe bamaze muri ubu butumwa bw’amahoro batakoze ibikorwa by’umutekano gusa  ahubwo ko bakoze n’ibyo kubungabunga ibidukikije n’imibereho myiza y’abaturage .

 Yanditswe na Murwanashyaka Sam